ajab khvaabon se meraa raabta rakkhaa gayaa — Jawayd Anwar

be-tuki raushni mein paraae andhere liye
ek manzar hai tere liye ek mere liye

— Jawayd Anwar

har ek had se pare apnaa boriyaa le jaa
badi kaa naam na le aur nekiyon se nikal

— Jawayd Anwar

jo din chaDhaa to hamein niind ki zarurat thi
sahar ki aas mein ham log raat bhar jaage

— Jawayd Anwar

koi kahaani koi vaaqia sunaa to sahi
agar hansaa nahin saktaa mujhe rulaa to sahi

— Jawayd Anwar

suno ki ab ham gulaab deinge gulaab leinge
mohabbaton mein koi khasaara nahin chalegaa

— Jawayd Anwar

nikal gulaab ki muTThi se aur khushbu ban
main bhaagtaa huun tire pichhe aur tu jugnu ban

— Jawayd Anwar

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

— Imdad Imam Asar

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

— Malika Naseem

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta