idhar teri mashiyyat hai udhar hikmat rasulon ki — Josh Malihabadi

had hai apni taraf nahin main bhi
aur un ki taraf khudaai hai

— Josh Malihabadi

vahaan se hai miri himmat ki ibtidaa vallaah
jo intihaa hai tire sabr aazmaane ki

— Josh Malihabadi

haan aasmaan apni bulandi se hoshiyaar
ab sar uThaa rahe hain kisi aastaan se ham

— Josh Malihabadi

ik na ik zulmat se jab vaabasta rahnaa hai to 'josh'
zindagi par saaya-e-zulf-e-pareshaan kyuun na ho

— Josh Malihabadi

ham aise ahl-e-nazar ko subut-e-haq ke liye
agar rasul na hote to subh kaafi thi

— Josh Malihabadi

naqsh-e-khayaal dil se miTaayaa nahin hanuz
be-dard main ne tujh ko bhulaayaa nahin hanuz

— Josh Malihabadi

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

gulaabon ke honTon pe lab rakh rahaa huun
use der tak sochnaa chaahtaa huun

— Zubair Rizvi

maango samundaron se na saahil ki bhiik tum
haan fikr o fan ke vaaste gahraai maang lo

— Hasan Najmi Sikandarpuri

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

— Zafar Iqbal