tujh se ham-bazm hon nasib kahaan — Joshish Azimabadi

gulzaar-e-mohabbat mein na phule na phale ham
maanind-e-chinaar aag mein apni hi jale ham

chhup-chhup ke dekhte ho bahut us ko har kahin
hogaa ghazab jo paD gai us ki nazar kahin

dhyaan mein us ke fanaa ho kar koi munh dekh le
dil vo aaina nahin jo har koi munh dekh le

ahvaal dekh kar miri chashm-e-pur-aab kaa
dariyaa se aaj TuuT gayaa dil habaab kaa

us ke rukhsaar par kahaan hai zulf
shola-e-husn kaa dhuaan hai zulf

chashm-e-vahdat se gar koi dekhe
but-parasti bhi haq-parasti hai