ham aaj kuchh hasin saraabon mein kho gae — Kaif Ahmed Siddiqui

aaj kuchh aise shoale bhaDke baarish ke har qatre se
dhuup panaahein maang rahi hai bhige hue darakhton mein

— Kaif Ahmed Siddiqui

tanhaaiyon ko saunp ke taarikiyon kaa zahr
raaton ko bhaag aae ham apne makaan se

— Kaif Ahmed Siddiqui

khudaa maalum kis aavaaz ke pyaase parinde
vo dekho khaamushi ki jhiil mein utre parinde

— Kaif Ahmed Siddiqui

'kaif' kahaan tak tum khud ko be-daagh rakhkhoge
ab to saari duniyaa ke munh par syaahi hai

— Kaif Ahmed Siddiqui

sard jazbe bujhe bujhe chehre
jism zinda hain mar gae chehre

— Kaif Ahmed Siddiqui

khushi ki aarzu kyaa dil mein Thahre
tire gham ne biThaa rakkhe hain pahre

— Kaif Ahmed Siddiqui

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

— Asim Nadeem Asi

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

— Imdad Imam Asar