ham aap ko dekhte the pahle — Kaifi Hyderabadi

mazaa hai tire bismilon ko taDap mein
taDap mein nahin bismilon mein mazaa hai

— Kaifi Hyderabadi

aur bhi to hain zamaane mein tumhaare aashiq
ek main hi tumhein kyaa qaabil-e-ilzaam milaa

— Kaifi Hyderabadi

raqib donon jahaan mein zalil kyuun hotaa
kisi ke biich mein kam-bakht agar nahin aataa

— Kaifi Hyderabadi

vo ab kyaa khaak aae haae qismat mein tarasnaa thaa
tujhe ai abr-e-rahmat aaj hi itnaa barasnaa thaa

— Kaifi Hyderabadi

mohabbat mein kyaa kyaa na kuchh jaur hogaa
abhi kyaa huaa hai abhi aur hogaa

— Kaifi Hyderabadi

apnaa khat aap diyaa un ko magar ye kah kar
khat to pahchaaniye ye khat mujhe gumnaam milaa

— Kaifi Hyderabadi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

yuun to maujud apne ghar mein hai
aadmi mustaqil safar mein hai

— Saleem Amrohvi

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb