aksar isi khayaal ne maayus kar diyaa — Kamil Akhtar

lamhon ke taar khinchtaa rahtaa thaa raat din
ik shakhs le gayaa miri sadiyaan sameT ke

— Kamil Akhtar

manzaron ki bhiiD aisi to kabhi dekhi na thi
gaanv achchhaa thaa magar us mein koi laDki na thi

— Kamil Akhtar

ruton ke rang badalte hue bhi banjar hai
vo ek khaas ilaaqa jo dil ke andar hai

— Kamil Akhtar

umr bhar yaad rahaa apni vafaaon ki tarah
ek vo ahd jise aap ne puuraa na kiyaa

— Kamil Akhtar

ab to har vaqt vahi itnaa rulaataa hai mujhe
jis ko jaate hue main dekh ke ro bhi na sakaa

— Kamil Akhtar

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi ke bahut qarib na jaa
faasla kuchh to apne dhyaan mein rakh

— Akmal Imaam

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz