manzil pe bhi pahunch ke mayassar nahin sakun — Karamat Ali Karamat

main shuaa-e-zaat ke siine mein gunjaa huun kabhi
aur 'karaamat' main kabhi lamhon ke khvaabon mein rahaa

— Karamat Ali Karamat

achchhaa hai yaa kharaab nahin is se vaasta
phuTaa huaa ye meraa muqaddar mujhe aziiz

— Karamat Ali Karamat

koi zamin hai to koi aasmaan hai
har shakhs apni zaat mein ik daastaan hai

— Karamat Ali Karamat

hamesha aag ke dariyaa mein ishq kyuun utre
kabhi to husn ko gharq-e-azaab honaa thaa

— Karamat Ali Karamat

main lafz lafz mein tujh ko talaash kartaa huun
savaal mein nahin aataa na aa javaab mein aa

— Karamat Ali Karamat

ye apne hi kirdaar kaa hai natija
jo rab ki taraf se ye ham par ghazab hai

— Karamat Ali Karamat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yuun to maujud apne ghar mein hai
aadmi mustaqil safar mein hai

— Saleem Amrohvi

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz