ek nazar mein us ne har ik dil ko jiit liyaa — Karamat Bukhari

zaruri to nahin ik fasl-e-gul ho
junun ke aur bhi mausam bahut hain

— Karamat Bukhari

har soch mein sangin fazaaon kaa fasaana
har fikr mein shaamil huaa tahrir kaa maatam

— Karamat Bukhari

aah to ab bhi dil se uThti hai
lekin us mein asar nahin hotaa

— Karamat Bukhari

parvaaz mein thaa amn kaa maasum parinda
sunte hain ki be-chaara shajar tak nahin pahunchaa

— Karamat Bukhari

main ki tere dhyaan mein gum thaa
duniyaa mujh ko DhunDh rahi thi

— Karamat Bukhari

muddat se mohabbat ke safar mein huun 'karaamat'
lekin abhi chaahat ke nagar tak nahin pahunchaa

— Karamat Bukhari

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri