is paraae shahr mein ai kaash koi ye kahe — Kashif Syed

aisaa na ho ki dosti bhi jaae haath se
ham haath mein gulaab liye sochte rahe

— Kashif Syed

zaraa saa vaqt jo badlaa to ham pe hansne lage
hamaare kaandhe pe sar rakh ke rone vaale log

— Kashif Syed

ham 'jaun-eliyaa' ke zamaane mein dosto
'ghaalib' kaa intikhaab liye sochte rahe

— Kashif Syed

log ham se sikhte hain gham chhupaane kaa hunar
aao tum ko bhi sikhaa dein muskuraane kaa hunar

— Kashif Syed

hijraton ke karb ko aise chhupaanaa hai tumhein
koi jab bhi haal puchhe muskuraanaa hai tumhein

— Kashif Syed

shikasta naav samajh kar Dubone vaale log
na paa sake mujhe saahil pe khone vaale log

— Kashif Syed

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha