main manzilon se bahut duur aa gayaa 'maamun' — Khaleel Mamoon

hazaaron chaand sitaare chamak gae hote
kabhi nazar jo tiri maail-e-karam hoti

— Khaleel Mamoon

meri tarah se ye bhi sataayaa huaa hai kyaa
kyuun itne daagh dikhte hain mahtaab mein abhi

— Khaleel Mamoon

sab log hamein ek nazar aate hain
andaaza nahin hotaa hai ab chehron kaa

— Khaleel Mamoon

aisaa ho zindagi mein koi khvaab hi na ho
andhiyaari raat mein koi mahtaab hi na ho

— Khaleel Mamoon

tum nahin aaoge khabar hai hamein
phir bhi ham intizaar kar leinge

— Khaleel Mamoon

vo buraai sab se meri kar rahe hain
kyuun nahin karte bayaan achchhaaiyon ko

— Khaleel Mamoon

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi