kabhi kabhi chup ho jaane ki khvaahish hoti hai — Khalid Ebadi

hamaare haath kaaTe jaa rahe the
tumhaare haath se kirpaan le kar

— Khalid Ebadi

shahr kaa bhi dastur vahi jangal vaalaa
khojne vaale hi akasr kho jaate hain

— Khalid Ebadi

zaraa saa dard aur itni davaaein
pasand aai nahin chaaragari tak

— Khalid Ebadi

zaraa Thahro use aane do us ki baat bhi sun lein
hamein jo ilm hai go dil ko dahlaane hi vaalaa hai

— Khalid Ebadi

main zakhm zakhm nahin huun magar masihaai
mire badan mein miri jaan kyuun nahin rakhti

— Khalid Ebadi

ye kaisaa tanaaza hai ki faisal nahin hotaa
haq teraa ziyaada hai ki hukkaam kaa tere

— Khalid Ebadi

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

chaand ne taan li hai chaadar-e-abr
ab vo kapDe badal rahi hogi

— Jaun Elia

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

mar gae pyaas ke maare to uThaa abr-e-karam
bujh gai bazm to ab shama jalaataa kyaa hai

— Ahmad Faraz