do chaar din se meri samaaat block thi — Khalid Irfan

na hon paise to istiqbaaliyon se kuchh nahin hogaa
kisi shaaer ko khaali taaliyon se kuchh nahin hogaa

bhuuk takhliq kaa talent baDhaa deti hai
peT khaali ho to ham sher nayaa kahte hain

kaisaa ajiib aayaa hai is saal kaa bajaT
murghi kaa jo bajaT hai vahi daal kaa bajaT

jo tum parfum mein Dupki lagaa kar roz aati ho
fazaa tum se moattar hai havaa mein kuchh nahin rakkhaa

jo lughat ko toD-maroD de jo ghazal ko nasr se joD de
main vo bad-mazaaq-e-sukhan nahin vo jadidiyaa koi aur hai

main ne bas itnaa hi likhaa i-love-you aur phir
us ne aage kar diyaa thaa gaal internet par

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi