ek jhuTe ke vasf-e-dandaan mein — Kishan Kumaar Waqaar

aatishin husn kyuun dikhaate ho
dil hai aashiq kaa koh-e-tur nahin

— Kishan Kumaar Waqaar

ukhDi baaton se us ki saabit hai
kuchh na kuchh aaj ghair jaD ke uThaa

— Kishan Kumaar Waqaar

tumhaare ishq-e-abru mein hilaal-e-id ki surat
hazaaron ungliyaan uTThin jidhar se ho ke ham nikle

— Kishan Kumaar Waqaar

ashk-e-hasrat hai aaj tufaan-khez
kashti-e-chashm ki tabaahi hai

— Kishan Kumaar Waqaar

chhuptaa nahin hai dil mein kabhi raaz ishq kaa
ye aag vo hai jis ko nahin taab sang mein

— Kishan Kumaar Waqaar

haath pistaan pe ghair kaa pahunchaa
aap bhi ab hue anaar-farosh

— Kishan Kumaar Waqaar

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi