mein chaahtaa huun ta'alluq ke darmiyaan parda — Laiq Aajiz

vo dhuup thi ki zamin jal ke raakh ho jaati
baras ke ab ke baDaa kaam kar gayaa paani

— Laiq Aajiz

qalam uThaaun ki bachchon ki zindagi dekhun
paDaa huaa hai doraahe pe ab hunar meraa

— Laiq Aajiz

khetiyaan chhaalon ki hoti thiin lahu ugte the
kitnaa zarkhez thaa vo dar-badari kaa mausam

— Laiq Aajiz

ai mire paanv ke chhaalo mire ham-raah raho
imtihaan sakht hai tum chhoD ke jaate kyuun ho

— Laiq Aajiz

dushmanon ko dost bhaai ko sitamgar kah diyaa
log kyuun barham hain kyaa shishe ko patthar kah diyaa

— Laiq Aajiz

shaam hote hi bujh gayaa 'aajiz'
ek muflis kaa khvaab thaa na rahaa

— Laiq Aajiz

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana