sar phoD ke mar jaaeinge badnaam kareinge — Lala Madhav Ram Jauhar

ai dost tujh ko rahm na aae to kyaa karun
dushman bhi mere haal pe ab aab-dida hai

— Lala Madhav Ram Jauhar

apni zabaan se mujhe jo chaahe kah lein aap
baDh baDh ke bolnaa nahin achchhaa raqib kaa

— Lala Madhav Ram Jauhar

jab kahte hain ham karte ho kyuun vaada-khilaafi
farmaate hain hans kar ye nai baat nahin hai

— Lala Madhav Ram Jauhar

us ne phir kar bhi na dekhaa main use dekhaa kiyaa
de diyaa dil raah chalte ko ye main ne kyaa kiyaa

— Lala Madhav Ram Jauhar

mal rahe hain vo apne ghar mehndi
ham yahaan eDiyaan ragaDte hain

— Lala Madhav Ram Jauhar

vahi shaagird phir ho jaate hain ustaad ai 'jauhar'
jo apne jaan-o-dil se khidmat-e-ustaad karte hain

— Lala Madhav Ram Jauhar

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

nae manzar ke khvaabon se bhi Dar lagtaa hai un ko
puraane manzaron se jin ki aankhein kaT chuki hain

— Khushbir Singh Shaad

yahi milne kaa samay bhi hai bichhaDne kaa bhi
mujh ko lagtaa hai bahut apne se Dar shaam ke baad

— Krishn Bihari Noor

log nafrat ki fazaaon mein bhi ji lete hain
ham mohabbat ki havaa se bhi Daraa karte hain

— Lata Haya

paDhtaa hai baDe shauq se vo meri kitaabein
jis baat se Dartaa huun vahi baat na paDh le

— Latif Shah Shahid