vaqt ke paanv bhi nahin mehvar — Mahwar Sirsivi

vo apne ‘abd-e-haqiqi ko aazmaataa hai
har ik bashar kaa yahaan imtihaan nahin hotaa

— Mahwar Sirsivi

ghaur se dekhnaa hanste hue chehre ki taraf
ek manzar pas-e-manzar kai manzar degaa

— Mahwar Sirsivi

aaj gar bole nahin haq baat par
kal sitam honge tumhaari zaat par

— Mahwar Sirsivi

ulfat to dekhiye miri didaar ke sabab
darvesh ban ke yaar ki chaukhaT pe aa gayaa

— Mahwar Sirsivi

kuchh to khayaal kar miri umr-e-daraaz kaa
sadiyaan guzar gai hain tire intizaar mein

— Mahwar Sirsivi

ek muddat se niind taari hai
ek muddat se so nahin paae

— Mahwar Sirsivi