yaad rakkho ik na ik din saanp baahar aaeinge — Majid Deobandi

jis ko chaahein be-izzat kar sakte hain
aap baDe hain aap ko ye aasaani hai

— Majid Deobandi

afsos jin ke dam se har ik su hain nafratein
ham ne taalluqaat unhin se baDhaa liye

— Majid Deobandi

in aansuon ki hifaazat bahut zaruri hai
andheri raat mein jugnu bhi kaam aate hain

— Majid Deobandi

phir tumhaare paanv chhune khud bulandi aaegi
sab dilon par raaj kar ke taaj-daari siikh lo

— Majid Deobandi

meri aankhein kuchh soi si rahti hain
shaayad in kaa khvaab-nagar se rishta hai

— Majid Deobandi

main jab bhi tajziya kartaa huun teraa ai duniyaa
is aaine mein tujhe bad-chalan si paataa huun

— Majid Deobandi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

tum se chhuT kar bhi tumhein bhulnaa aasaan na thaa
tum ko hi yaad kiyaa tum ko bhulaane ke liye

— Nida Fazli

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

— Parveen Shakir