har daur kaa jo aks hai vo aaina hain ham — Malika Naseem

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

— Malika Naseem

main kisi aur ko dekhun bhi to dekhun kaise
us ke khvaabon ki in aankhon pe nigahbaani hai

— Malika Naseem

shiddat-e-tishna-labi aaj kahaan laai hai
pyaas sahraa ki samundar mein utar aai hai

— Malika Naseem

vo laDkiyaan ki jo lagti thiin saada tahrirein
paDhi gaiin to anokhi paheliyaan niklin

— Malika Naseem

umr guzri ik nigaah-e-lutf ki ummid mein
ham ko apne hauslon ki ye adaa achchhi lagi

— Malika Naseem

kar gaiin maujein sharaarat jab bhi likkhaa teraa naam
ret par jitni lakirein thiin vo sab mil-jul gaiin

— Malika Naseem

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

— Kausar Mazhari

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

— Farhat Ehsas