miri aavaargi hi mere hone ki alaamat hai — Manish Shukla

aakhir ham ko be-zaari tak le aai
har shai par girvida rahne ki aadat

— Manish Shukla

chand lakirein to is darja gahri thiin
dekhne vaalaa Duub gayaa tasviron mein

— Manish Shukla

kitni ujlat mein miTaa Daalaa gayaa
aag mein sab kuchh jalaa Daalaa gayaa

— Manish Shukla

baat karne kaa hasin taur-tariqa sikhaa
ham ne urdu ke bahaane se saliqa sikhaa

— Manish Shukla

kisi ke ishq mein barbaad honaa
hamein aayaa nahin farhaad honaa

— Manish Shukla

ab apnaa chehra begaana lagtaa hai
ham ko thi sanjida rahne ki aadat

— Manish Shukla

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

yuun to maujud apne ghar mein hai
aadmi mustaqil safar mein hai

— Saleem Amrohvi