ajiib vajh-e-mulaaqaat thi miri us se — Mansoora Ahmad

main us ko kho ke bhi us ko pukaarti hi rahi
ki saaraa rabt to aavaaz ke safar kaa thaa

— Mansoora Ahmad

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

tanhaa rahne mein bhi koi uzr nahin hai
lekin us ke saath hi tanhaa rah saktaa huun

— Zafar Iqbal

aao tum hi karo masihaai
ab bahalti nahin hai tanhaai

— Muneer Niyazi

meri chaadar to chhini thi shaam ki tanhaai mein
be-ridaai ko miri phir de gayaa tashhir kaun

— Parveen Shakir

tum se mile to khud se ziyaada
tum ko akelaa paayaa ham ne

— Irfan Siddiqi

kis ko fursat thi ki 'akhtar' dekhtaa meri taraf
main jahaan jis bazm mein jab tak rahaa tanhaa rahaa

— Akhtar Saeed Khan