us gul ko bhejnaa hai mujhe khat sabaa ke haath — Mazhar Mirza Jaan

ye hasrat rah gai kyaa kyaa maze se zindagi karte
agar hotaa chaman apnaa gul apnaa baaghbaan apnaa

— Mazhar Mirza Jaan

jo tu ne ki so dushman bhi nahin dushman se kartaa hai
ghalat thaa jaante the tujh ko jo ham mehrbaan apnaa

— Mazhar Mirza Jaan

khudaa ke vaaste is ko na Toko
yahi ik shahr mein qaatil rahaa hai

— Mazhar Mirza Jaan

rusvaa agar na karnaa thaa aalam mein yuun mujhe
aisi nigaah-e-naaz se dekhaa thaa kyuun mujhe

— Mazhar Mirza Jaan

ye dil kab ishq ke qaabil rahaa hai
kahaan is ko dimaagh o dil rahaa hai

— Mazhar Mirza Jaan

itni fursat de ki rukhsat ho lein ai sayyaad ham
muddaton is baagh ke saaye mein the aazaad ham

— Mazhar Mirza Jaan

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

teraa ghar aur meraa jangal bhigtaa hai saath saath
aisi barsaatein ki baadal bhigtaa hai saath saath

— Parveen Shakir