ghair lein mahfil mein bose jaam ke — Mirza Ghalib

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

koi viraani si viraani hai
dasht ko dekh ke ghar yaad aayaa

— Mirza Ghalib

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

— Mirza Ghalib

dam liyaa thaa na qayaamat ne hanuz
phir tiraa vaqt-e-safar yaad aayaa

— Mirza Ghalib

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

— Mirza Ghalib

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein

— Mirza Ghalib

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

khair dozakh mein mai mile na mile
shaikh-saahab se jaan to chhuTegi

— Faiz Ahmad Faiz

zindagi zor hai ravaani kaa
kyaa thamegaa bahaav paani kaa

— Abdul Hamid Adam

ishq phir ishq hai aashufta-sari maange hai
hosh ke daur mein bhi jaama-dari maange hai

— Unwan Chishti