raat pi zamzam pe mai aur subh-dam — Mirza Ghalib

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

koi viraani si viraani hai
dasht ko dekh ke ghar yaad aayaa

— Mirza Ghalib

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

— Mirza Ghalib

dam liyaa thaa na qayaamat ne hanuz
phir tiraa vaqt-e-safar yaad aayaa

— Mirza Ghalib

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

— Mirza Ghalib

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein

— Mirza Ghalib

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

ghubaar-e-shahr mein use na DhunD jo khizaan ki shab
havaa ki raah se milaa, havaa ki raah par gayaa

— Ali Akbar Natiq

dil mein na ho jurat to mohabbat nahin milti
khairaat mein itni baDi daulat nahin milti

— Nida Fazli

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat