ai musavvir shitaab ho ki abhi — Mirza Zahirddin Azfari

kis zamaane ki ye dushman thi miri
is mohabbat kaa ho munh kaalaa miyaan

— Mirza Zahirddin Azfari

oson gai hai pyaas kahin dida-e-namin
bujhtaa hai aansuon se kahaan dil phunkaa huaa

— Mirza Zahirddin Azfari

ye divaane hain mahv-e-did dilbar
nahin kuchh maante yaan ko na vaan ko

— Mirza Zahirddin Azfari

ham gunahgaaron ke kyaa khuun kaa phikaa thaa rang
mehndi kis vaaste haathon pe rachaai pyaare

— Mirza Zahirddin Azfari

tere mizhgaan ki kyaa karun taarif
tiir ye be-kamaan jaataa hai

— Mirza Zahirddin Azfari

'azfari' ghuncha-e-dil band aur aai hai bahaar
sair-e-gul ko ki ye shaayad ba-takalluf khil le

— Mirza Zahirddin Azfari