hamein bhi dekh ki ham aarzu ke sahraa mein — Mohammad Deen Taseer

vo mile to be-takalluf na mile to be-iraada
na tariq-e-aashnaai na rusum-e-jaam-o-baadaa

— Mohammad Deen Taseer

daavar-e-hashr miraa naama-e-aamaal na dekh
is mein kuchh parda-nashinon ke bhi naam aate hain

— Mohammad Deen Taseer

jis tarah ham ne raatein kaaTi hain
us tarah ham ne din guzaare hain

— Mohammad Deen Taseer

meri vafaaein yaad karoge
rooge fariyaad karoge

— Mohammad Deen Taseer

ye Dar hai qaafile vaalo kahin na gum kar de
miraa hi apnaa uThaayaa huaa ghubaar mujhe

— Mohammad Deen Taseer

rabt hai husn o ishq mein baaham
ek dariyaa ke do kinaare hain

— Mohammad Deen Taseer

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

— Mirza Ghalib

bin maange mil rahaa ho to khvaahish fuzul hai
suraj se raushni ki guzaarish fuzul hai

— Shahid Zaki

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

— Parveen Shakir