vo jab chehra dusri jaanib kar letaa hai — Mohammad Mazhar Niyazi

tu bahut khush nazar aataa hai mujhe itnaa bataa
mujh se pahle bhi koi shakhs yahaan aayaa thaa

— Mohammad Mazhar Niyazi

main na miltaa agar masaafat ko
raaste ki thakan kahaan jaati

— Mohammad Mazhar Niyazi

hazaaron aankhein mujhe be-zabaan samajhti hain
jo dekhtaa hai main us ko sunaai detaa huun

— Mohammad Mazhar Niyazi

nuur se duur siyah-raat mein zinda rahnaa
kitnaa mushkil hai mazaafaat mein zinda rahnaa

— Mohammad Mazhar Niyazi

ye kamra band hai chaaron taraf se
udaasi kis taraf se aa rahi hai

— Mohammad Mazhar Niyazi

shahr chhoTaa hai magar dil hai kushaada itnaa
ham baDe shahr mein hote to samundar hote

— Mohammad Mazhar Niyazi

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

— Mir Taqi Mir

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

— Arshad Jamal Sarim

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi