har nayaa rasta nikaltaa hai jo manzil ke liye — Mohammad Yaqoob Aamir

na samjhe ashk-fishaani ko koi maayusi
hai dil mein aag agar aankh mein bhi paani hai

— Mohammad Yaqoob Aamir

main aaj kal ke tasavvur se shaad-kaam to huun
ye aur baat ki do pal ki zindagaani hai

— Mohammad Yaqoob Aamir

baad-e-nafrat phir mohabbat ko zabaan darkaar hai
phir aziz-e-jaan vahi urdu zabaan hone lagi

— Mohammad Yaqoob Aamir

dhire dhire sar mein aa kar bhar gayaa barson kaa shor
rafta rafta aarzu-e-dil dhuaan hone lagi

— Mohammad Yaqoob Aamir

mujhe bhi khud na thaa ehsaas apne hone kaa
tiri nigaah mein apnaa maqaam khone tak

— Mohammad Yaqoob Aamir

sar ke niche iinT rakh kar umr bhar soyaa hai tu
aakhiri bistar bhi 'aamir' teraa farsh-e-khaak thaa

— Mohammad Yaqoob Aamir

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

yuun to maujud apne ghar mein hai
aadmi mustaqil safar mein hai

— Saleem Amrohvi

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey