dil sambhaale nahin sambhaltaa hai — Mustafa Shahab

is tarah sajaa rakkhe hain main ne dar-o-divaar
ghar mein tiri surat ke sivaa kuchh bhi nahin hai

hote hote main pahunch jaataa huun apne aap tak
is se aage aur koi raasta jaataa nahin

istiaare zamin se jaaein
ik ghazal aasmaan se utre

kaar-e-zindagaani ke shor-o-shar mein muddat se
us ko bhuul jaane kaa ehtimaal rahtaa hai

haqiqat ko tamaashe se judaa karne ki khaatir
uThaa kar baarhaa parda giraanaa paD gayaa hai

bichhDaa vo mujh se aaise na bichhDe kabhi koi
ab yuun milaa hai jaise vo pahle milaa na ho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

tu bhi jaise badal saa jaataa hai
aks-e-divaar ke badalte hi

kisi ko saal-e-nau ki kyaa mubaarakbaad di jaae
calender ke badalne se muqaddar kab badaltaa hai

ye vasl ki rut hai ki judaai kaa hai mausam
ye gulshan-e-dil hai ki bayaabaan kahin kaa

dil ki taklif kam nahin karte
ab koi shikva ham nahin karte