yahaan 'adu ke sivaa kaun puchhtaa hai hamein — Muzaffar Hanfi

kaanTe bone vaale sach-much tu bhi kitnaa bholaa hai
jaise raahi ruk jaaeinge tere kaanTe bone se

hazaaron mushkilein hain doston se duur rahne mein
magar ik faaeda hai piiTh par khanjar nahin lagtaa

ugal dete hain jo kuchh peT mein ho ghar mein aate hi
parinde apne bachchon se adaakaari nahin karte

farq nahin paDtaa ham divaanon ke ghar mein hone se
viraani umDi paDti hai ghar ke kone kone se

yuun palak par jagmagaanaa do ghaDi kaa aish hai
raushni ban kar mire andar hi andar phail jaa

khilte hain dil mein phuul tiri yaad ke tufail
aatish-kada to der hui sard ho gayaa