kitni khvaahishein dil mein palti hain magar 'naahid' — Naheed Virk

kitni viraani hai mere andar
kis qadar teri kami hai mujh mein

— Naheed Virk

reza reza honaa bantaa hai miraa
tum mukammal mere dil par utre ho

— Naheed Virk

zindagi is qadar buri bhi nahin
dekh main muskuraa rahi huun naa

— Naheed Virk

aur phir dil ne us ko chhoD diyaa
jab ta'alluq bahaal thaa hi nahin

— Naheed Virk

shokh havaaon ke aanchal mein tham tham kar
shaam se hi hain dard puraane yaad aae

— Naheed Virk

shaam ki shaam se sargoshi suni thi ik baar
bas tabhi se tujhe imkaan mein rakkhaa huaa hai

— Naheed Virk

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

chaand ne taan li hai chaadar-e-abr
ab vo kapDe badal rahi hogi

— Jaun Elia

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki