main hi TuuT ke bikhraa aur na royaa vo — Najmus Saqib

dukh-bharaa shahr kaa manzar kabhi tabdil bhi ho
dard ko had se guzarte koi kab tak dekhe

— Najmus Saqib

use be-numu kisi khvaab ne kahin gahri niind sulaa diyaa
use bhaa gai hain kahaavatein use bhi qafas mein sukun hai

— Najmus Saqib

anaa ki qaid se nikle muqaabla to kare
vo meraa saath nibhaane kaa hausla to kare

— Najmus Saqib

kaun hai jo har lamha suratein badaltaa hai
main kise samajhne ke marhalon mein zinda huun

— Najmus Saqib

ye jism TuuT ke hisson mein baTne vaalaa hai
phir is pe apni rivaayaat kuchh nahin hogaa

— Najmus Saqib

dil ko aaj tasalli main ne de Daali
vo sachchaa thaa us ke vaade jhuTe the

— Najmus Saqib

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

— Zehra Nigaah

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

— Euphonic Amit

kyaa qayaamat hai hijr ke din bhi
zindagi mein shumaar hote hain

— Saifuddin Saif