bahut roegi duniyaa us bashar ki bad-nasibi par — Naseem Noor Mahali

na khinch ai mehrbaan siine se mere tiir rahne de
nikal jaaegaa dam meraa jo paikaan dil se niklegaa

— Naseem Noor Mahali

ye maujon ke nahin ai naa-khudaa taqdir ke bal hain
safina gharq ho kar daaman-e-saahil se niklegaa

— Naseem Noor Mahali

khudaa rakkhe ye paas-e-vaza mein tum se bhi baDh kar hai
tumhin aa kar nikaaloge to armaan dil se niklegaa

— Naseem Noor Mahali

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

— Wafa Naqvi

chal su-e-gor-e-garibaan ai haris-e-maal-o-zar
dekh kitni aarzuein nazr-e-madfan ho gaiin

— Auj Lakhnavi

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi