ab havaaon ke daam khulne hain — Navin C. Chaturvedi

bhulaa diyaa hai jo tu ne to kuchh malaal nahin
kai dinon se mujhe bhi tiraa khayaal nahin

— Navin C. Chaturvedi

miraa saaya mire bas mein nahin hai
magar duniyaa pe daavaa kar rahaa huun

— Navin C. Chaturvedi

pyaas ko pyaar karnaa thaa keval
ek akhshar badal na paae ham

— Navin C. Chaturvedi

baghair puchhe mire sar mein bhar diyaa mazhab
main roktaa bhi to kaise ki main to bachcha thaa

— Navin C. Chaturvedi

kis ko fursat hai jo harfon ki haraarat samjhaae
baat aasaani tak aae to sabhi tak pahunche

— Navin C. Chaturvedi

nae safar kaa har ik moD bhi nayaa thaa magar
har ek moD pe koi sadaaein detaa thaa

— Navin C. Chaturvedi

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

— Aziz Nabeel

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

— Saqib Lakhnavi