rang darkaar the ham ko tiri khaamoshi ke — Nazir Wahid

mujh se ziyaada kaun tamaasha dekh sakegaa
gaandhi-ji ke tinon bandar mere andar

— Nazir Wahid

dekhne vaale tujhe dekhte honge lekin
dekhne vaalon ko hairat bhi to hoti hogi

— Nazir Wahid

paDhne vaalaa bhi to kartaa hai kisi se mansub
sabhi kirdaar kahaani ke nahin hote hain

— Nazir Wahid

ik nae gham se kinaaraa bhi to ho saktaa hai
ishq phir ham ko dobaaraa bhi to ho saktaa hai

— Nazir Wahid

hausle dard-bayaani ke nahin hote hain
ab yahaan lafz maaani ke nahin hote hain

— Nazir Wahid

likhte likhte hi laDi aankh jo raani se miri
phir to raajaa ko nikalnaa thaa kahaani se miri

— Nazir Wahid

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

bachpan ne hamein di hai ye shirini-e-guftaar
urdu nahin ham maan ki zabaan bol rahe hain

— Azar Barabankavi

vo bhi hain udhar chup chup khaamosh idhar main bhi
is tarah se milti hai tanhaai se tanhaai

— Azeez Javed

kuchh log jo khaamosh hain ye soch rahe hain
sach boleinge jab sach ke zaraa daam baDheinge

— Kamal Ahmad Siddiqi

dar kunj-e-sadaa-band kaa kholeinge kisi roz
ham log jo khaamosh hain boleinge kisi roz

— Mustafa Shahab