kabutaron mein ye dahshat kahaan se dar aai — Nomaan Shauque

rok do ye raushni ki tez dhaar
meri miTTi mein gundhi hai raat bhi

— Nomaan Shauque

vo saanp jis ne mujhe aaj tak Dasaa bhi nahin
tamaam zahr sukhan mein mire usi kaa hai

— Nomaan Shauque

phir is mazaaq ko jamhuriyat kaa naam diyaa
hamein Daraane lage vo hamaari taaqat se

— Nomaan Shauque

apni aahaT pe chaunktaa huun main
kis ki duniyaa mein aa gayaa huun main

— Nomaan Shauque

vo tanz ko bhi husn-e-talab jaan khush hue
ulTaa paDhaa gayaa, miraa paighaam aur thaa

— Nomaan Shauque

is baar intizaam to sardi kaa ho gayaa
kyaa haal peD kaTte hi basti kaa ho gayaa

— Nomaan Shauque

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

bhiiD ke khauf se phir ghar ki taraf lauT aayaa
ghar se jab shahr mein tanhaai ke Dar se niklaa

— Aleem Masroor

vahi na ho ki ye sab log saans lene lagein
amir-e-shahr koi aur khauf taari kar

— Idris Babar

aandhiyon se Dartaa huun baarishon se Dartaa huun
jab se main ne Daalaa hai ik makaan shishe kaa

— Aetizaz Ahsan

mire hijr ke faisle se Daro tum
main khud mein ajab hausla dekhti huun

— Fariha Naqvi