ham tiri talkh guftugu sun kar — Nusrat Gwaliari

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas

— Nusrat Gwaliari

milnaa paDtaa hai hamein khud se bhi ghairon ki tarah
us ne maahaul hi kuchh aisaa banaa rakkhaa hai

— Nusrat Gwaliari

qaanun jaise kho chukaa sadiyon kaa e'timaad
ab kaun dekhtaa hai khataa kaa hai rukh kidhar

— Nusrat Gwaliari

main ajnabi huun magar tum kabhi jo sochoge
koi qarib kaa rishta zarur niklegaa

— Nusrat Gwaliari

husn utnaa ek paikar main simaT saktaa nahin
tu bhi mere hi kisi ehsaas ki tasvir hai

— Nusrat Gwaliari

raat ke lamhaat khuni daastaan likhte rahe
subh ke akhbaar mein haalaat behtar ho gae

— Nusrat Gwaliari

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

jaa paDe chup ho ke jab shahr-e-khamoshaan mein 'nazir'
ye ghazal ye rekhta ye sher-khvaani phir kahaan

— Nazeer Akbar Abadi

buDhi maan kaa shaayad lauT aayaa bachpan
guDiyon kaa ambaar lagaa kar baiTh gai

— Irshad Khan Sikandar

khamoshi se adaa ho rasm-e-duri
koi hangaama barpaa kyuun karein ham

— Jaun Elia

siina dahak rahaa ho to kyaa chup rahe koi
kyuun chikh chikh kar na galaa chhil le koi

— Jaun Elia