shokhi kisi mein hai na sharaarat hai ab 'obaid' — Obaidur Rahman

koi dimaagh se koi sharir se haaraa
mein apne haath ki andhi lakir se haaraa

— Obaidur Rahman

mere jazbaat aansuon vaale
sher sab hichkiyon se likhtaa huun

— Obaidur Rahman

bachchon ko ham na ek khilaunaa bhi de sake
gham aur baDh gayaa hai jo tyauhaar aae hain

— Obaidur Rahman

hamein hijrat samajh mein itni aai
parinda aab-o-daana chaahtaa hai

— Obaidur Rahman

nazar mein duur talak rahguzar zaruri hai
kisi bhi samt ho lekin safar zaruri hai

— Obaidur Rahman

aangan aangan khuun ke chhinTe chehra chehra be-chehra
kis kis ghar kaa zikr karun mein kis kis ke sadmaat likhun

— Obaidur Rahman

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb