chalaa dukhtar-e-raz ko le kar jo saaqi — Pandit Daya Shankar Naseem Lakhnawi

maani-e-raushan jo hon to sau se behtar ek sher
matla-e-khurshid kaafi hai pae-divaan-e-subh

— Pandit Daya Shankar Naseem Lakhnawi

pahunchi na raahat ham se kisi ko balki aziyyat kosh hue
zinda the to baar-e-shikam the mar ke vabaal-e-dosh hue

— Pandit Daya Shankar Naseem Lakhnawi

jab na jite-ji mire kaam aaegi
kyaa ye duniyaa aaqibat bakhshvaaegi

— Pandit Daya Shankar Naseem Lakhnawi

samjhaa hai haq ko apne hi jaanib har ek shakhs
ye chaand us ke saath chalaa jo jidhar gayaa

— Pandit Daya Shankar Naseem Lakhnawi

junun ki chaak-zani ne asar kiyaa vaan bhi
jo khat mein haal likhaa thaa vo khat kaa haal huaa

— Pandit Daya Shankar Naseem Lakhnawi

jab mile do dil mukhil phir kaun hai
baiTh jaao khud hayaa uTh jaaegi

— Pandit Daya Shankar Naseem Lakhnawi

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

dil ki zakhmon ko kiyaa kartaa hai taaza har-dam
phir sitam ye hai ki rone bhi nahin detaa hai

— Zafar Anwar

dil mein rakh zakhm-e-navaa raah mein kaam aaegaa
dasht-e-be-samt mein ik hu kaa maqaam aaegaa

— Zafar Ghauri

aae kuchh abr kuchh sharaab aae
is ke baa'd aae jo azaab aae

— Faiz Ahmad Faiz