teri takmil ki khaatir hi faqat aaine — Parveen Shaghaf

baat vo koi puraani chheDte
guzri shaamon ki kahaani chheDte

— Parveen Shaghaf

zindagi khel bahut khuub hain tere lekin
dil ko kuchh der nayaa khvaab dikhaayaa jaae

— Parveen Shaghaf

shab bhar vo meri baahon se lipTaa rahaa magar
us vasl ke vo mujh se doshaale bhi le gayaa

— Parveen Shaghaf

main to nam ret ki murat ki tarah huun lekin
baa'd is ke mujhe patthar kaa khudaa honaa hai

— Parveen Shaghaf

chashm-e-aahu ki qasam rone se dukhtaa hai dil
teri palkon pe main har shaam suhaani likh duun

— Parveen Shaghaf

sab dekhte rahe hain tamaashaa khaDe khaDe
hans kar badan ki khaak uDaati rahi huun main

— Parveen Shaghaf

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi