zaahid sambhal ghurur khudaa ko nahin pasand — Parveen Umm

havaa mein jab uDaa parda to ik bijli si kaundi thi
khudaa jaane tumhaaraa partav-e-rukhsaar thaa kyaa thaa

— Parveen Umm

kuchh to kami ho roz-e-jazaa ke azaab mein
ab se piyaa kareinge milaa kar gulaab mein

— Parveen Umm

baal rukhsaaron se jab us ne haTaae to khulaa
do farangi sair ko nikle hain mulk-e-shaam se

— Parveen Umm

agar lohe ke gumbad mein rakheinge aqrabaa un ko
vahin pahunchaaegaa aashiq kisi tadbir se kaaghaz

— Parveen Umm

na aayaa kar ke vaada vasl kaa iqraar thaa kyaa thaa
kisi ke bas mein thaa majbur thaa laachaar thaa kyaa thaa

— Parveen Umm

pi baada-e-ahmar to ye kahne lagaa gul-ru
main surkh huun tum surkh zamin surkh zamaan surkh

— Parveen Umm

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar