teraa aadhaa kaam khud insaan hi karne lage — Popular Meeruthi

dastakhat to tumhein bhi aate hain
abbaa tum bhi vazir ban jaate

— Popular Meeruthi

khud tiis kaa hai aur dulhan saaTh baras ki
girti hui divaar ke saae mein khaDaa hai

— Popular Meeruthi

be-vaqufi ke anokhe kaarnaame dekh kar
achchhe-khaase leaderon ko bhi gadhaa kahnaa paDaa

— Popular Meeruthi

apni shohrat ki alag raah nikaali ham ne
kisi divaan se ghazal koi churaa li ham ne

— Popular Meeruthi

is bharose pe election mein khaDaa huun main bhi
ik nujumi ne kahaa hai ki ye saal achchhaa hai

— Popular Meeruthi

meraa sasuraal mein koi bhi taraf-daar nahin
un ke honTon pe bhi taale hain khudaa khair kare

— Popular Meeruthi

teraa chehra kitnaa suhaanaa lagtaa hai
tere aage chaand puraanaa lagtaa hai

— Kaif Bhopali

is daaera-e-raushni-o-rang se aage
kyaa jaaniye kis haal mein basti ke makin hain

— Najeeb Ahmad

ek ujDaa huaa diyaa huun main
aage aaya hai sab kiyaa meraa

— Asar Lakhnavi

sab ke aangan jhaankne vaale ham se hi kyuun bair tujhe
kab tak teraa rasta dekhein saari raat ke jaage ham

— Ahsan Yusuf Zai

taraqqi khuub ki ham ne magar ye bhi haqiqat hai
hamaaraa daaera ghar-baar se aage nahin baDhtaa

— Anjuman Mansury Arzoo

yaad kyaa aataa hai vo meraa lage jaanaa aur aah
pichhe haT kar us kaa ye kahnaa koi aa jaaegaa

— Insha Allah Khan Insha