khas namat saath mauj ke lag le — Qayem Chaandpuri

subh tak thaa vahin ye mukhlis bhi
aap rakhte the shab jahaan tashrif

sang ko aab karein pal mein hamaari baatein
lekin afsos yahi hai ki kahaan sunte ho

'qaaem' jo kahein hain faarsi yaar
is se to ye rekhta hai behtar

tark kar apnaa bhi ki is raah mein
har koi shaayaan-e-rifaaqat nahin

ronaa hai agar yahi to 'qaaem'
ik khalq ko ham Dubaa rahe hain

kar na jurat tu ai tabib ki ye
dil kaa dhaDkaa hai ikhtilaaj nahin