khud kiyaa tark-e-ta'alluq ham se — Raaz Muradabadi

vo kyaa chhuTe hayaat ke 'unvaan badal gae
duniyaa samajh rahi hai abhi ji rahaa huun main

— Raaz Muradabadi

dil ki be-kaifiyon ko kyaa kiije
fasl-e-gul hai magar bahaar nahin

— Raaz Muradabadi

allah-re iltifaat-o-nadaamat ki saazishein
nazrein milin talaafi-e-maafaat ho gai

— Raaz Muradabadi

rukte nahin hain paa-e-jihat-aashnaa kahin
manzil bhi ek sang-e-nishaan rah-guzar mein hai

— Raaz Muradabadi

kisi ke vaada-e-sabr-aazmaa ki khair ki ham
ab e'tibaar ki had se guzarte jaate hain

— Raaz Muradabadi

miri samt manzil ko baDhte jo dekhaa
miraa saath chhoDaa mire rahnumaa ne

— Raaz Muradabadi

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha