chaudhvin kaa chaand phulon ki mahak ThanDi havaa — Raees Rampuri

aaj vahshat se miri ghabraa gae vo bhi 'rais'
aaj to khud par mujhe itni hansi aai ki bas

— Raees Rampuri

tum ne hanste mujhe dekhaa hai tumhein kyaa maalum
karni paDti hai adaa kitni hansi ki qimat

— Raees Rampuri

sab ke liye savaal ye kab hai ki kyaa na ho
un ko to mujh se zid hai ki meraa kahaa na ho

— Raees Rampuri

ab bhi koh-e-tur par goyaa zabaan-e-haal se
hai koi aur us ke jalve kaa tamannaai ki bas

— Raees Rampuri

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

tumhaari yaad nikalti nahin mire dil se
nasha chhalaktaa nahin hai sharaab se baahar

— Faheem Shanas Kazmi

yuun barasti hain tasavvur mein puraani yaadein
jaise barsaat ki rim-jhim mein samaan hotaa hai

— Qateel Shifai