haadson ke khauf se ehsaas ki had mein na thaa — Rahi Fidai

sabza-zaaron ki sharaafat se na khelo qatan
tum havaa ho to khalaaon se lipaT kar dekho

— Rahi Fidai

kisi ko saayaa kisi ko gul-o-samar degaa
haraa-bharaa hai darakht-e-rivaaj rahne do

— Rahi Fidai

baraae-naam hi sahi ba-ehtiyaat kijiye
darun-e-kizb-o-iftiraa sadaaqatein khalat-malat

— Rahi Fidai

sharaafaton ke rang mein sharaartein khalat-malat
sar-mazaaq ho gaiin himaaqatein khalat-malat

— Rahi Fidai

aap ne achchhaa kiyaa tathir-e-khvaahish hi na ki
varna zamzam chashma-e-naapaak hotaa ghaaliban

— Rahi Fidai

khud ko mumtaaz banaane ki dili-khvaahish mein
dushman-e-jaan se mili meri anaa saazish mein

— Rahi Fidai

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

shaikh mujh ko na Daraa apni musalmaani thaam
ham faqiron kaa kisi rang se imaan na jaae

— Qasim Ali Khan Afridi

kirshn 'mohan' ye bhi hai kaisaa akelaa-pan ki log
maut se Darte hain main to zindagi se Dar gayaa

— Krishna Mohan

dil hi to hai siyaasat-e-darbaan se Dar gayaa
main aur jaaun dar se tire bin sadaa kiye

— Mirza Ghalib

ab nahin koi baat khatre ki
ab sabhi ko sabhi se khatra hai

— Jaun Elia