khaamosh zindagi jo basar kar rahe hain ham — Rais Amrohvi

aadmi ki talaash mein hai khudaa
aadmi ko khudaa nahin miltaa

— Rais Amrohvi

apne ko talaash kar rahaa huun
apni hi talab se Dar rahaa huun

— Rais Amrohvi

sirf taarikh ki raftaar badal jaaegi
nai taarikh ke vaaris yahi insaan honge

— Rais Amrohvi

ham apne haal-e-pareshaan pe baarhaa roe
aur us ke baa'd hansi ham ko baarhaa aai

— Rais Amrohvi

ham apni zindagi to basar kar chuke 'rais'
ye kis ki ziist hai jo basar kar rahe hain ham

— Rais Amrohvi

sadiyon tak ehtimaam-e-shab-e-hijr mein rahe
sadiyon se intizaar-e-sahar kar rahe hain ham

— Rais Amrohvi

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim