zakhm chup-chaap rahegaa to rafu bolegaa — Rakesh Toofan

lauTaa jab chaand bhi suraj bhi khasaaraa kar ke
ham ne chamkaa diyaa aangan ko sitaaraa kar ke

— Rakesh Toofan

jahaan pe jhuuT hai nafrat hai be-imaani hai
vahin pe zindagi-bhar zindagi bitaani hai

— Rakesh Toofan

ajiib baat hai us raat ki sahar na hui
kai charaag jale raushni magar na hui

— Rakesh Toofan

rasm-e-duniyaa ke bayaabaan mein bichhaDne vaale
ishq-e-aavaara tujhe DhunDh rahaa hai ab tak

— Rakesh Toofan

main shajar dekh ke Dar jaataa huun
is qadar dhuup ki aadat hai mujhe

— Rakesh Toofan

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

apni muTThi mein chhupaa kar kisi jugnu ki tarah
ham tire naam ko chupke se paDhaa karte hain

— Aleena Itrat

koi aavaaz na aahaT na koi halchal hai
aisi khaamoshi se guzre to guzar jaaeinge

— Aleena Itrat

ek aavaaz ne toDi hai khamoshi meri
DhunDhtaa huun to pas-e-saahil-e-shab kuchh bhi nahin

— Alimullah Hali

bahut se lafz dastak de rahe the
sukut-e-shab mein rasta khul rahaa thaa

— Ambarin Salahuddin