tujh se kahnaa thaa haal-e-dil lekin — Rana Amir Liyaqat

gale lagaa ke mujhe puchh masala kyaa hai
main Dar rahaa huun tujhe haal-e-dil sunaane se

— Rana Amir Liyaqat

zindagi dekh tiri khaas riaayat hogi
ik mohabbat hai mire paas agar karne de

— Rana Amir Liyaqat

hazaar raste tire hijr ke ilaaj ke hain
ham ahl-e-ishq zaraa mukhtalif mizaaj ke hain

— Rana Amir Liyaqat

nukta yahi azal se paDhaayaa gayaa hamein
havvaa baraae-husn hai aadam baraae-ishq

— Rana Amir Liyaqat

iinT se iinT joD kar, khvaab banaa rahaa huun main
rakhne na Daal mere yaar' khvaab ki dekh-bhaal mein

— Rana Amir Liyaqat

agarche roz miraa sabr aazmaataa hai
magar ye dariyaa mujhe tairnaa sikhaataa hai

— Rana Amir Liyaqat

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi