koh sangin haqaaeq thaa jahaan — Ravish Siddiqi

jo raah ahl-e-khirad ke liye hai laa-mahdud
junun-e-ishq mein vo chand gaam hoti hai

— Ravish Siddiqi

hazaar husn dil-aaraa-e-do-jahaan hotaa
nasib ishq na hotaa to raaegaan hotaa

— Ravish Siddiqi

hazaar rukh tire milne ke hain na milne mein
kise firaaq kahun aur kise visaal kahun

— Ravish Siddiqi

vo shakhs apni jagah hai muraqqa-e-tahzib
ye aur baat hai ki qaatil usi kaa naam bhi hai

— Ravish Siddiqi

sakht jaan-levaa hai saadgi mohabbat ki
zahr ki kasauTi par zindagi ko kasti hai

— Ravish Siddiqi

naqaab-e-shab mein chhup kar kis ki yaad aai samajhte hain
ishaare ham tire ai sham-e-tanhaai samajhte hain

— Ravish Siddiqi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

— Imdad Imam Asar

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

— Sandeep Gupte

main ne dekhaa hai bahaaron mein chaman ko jalte
hai koi khvaab ki taabir bataane vaalaa

— Ahmad Faraz

ye san kar meri nindein uD gai hain
koi meraa bhi sapnaa dekhtaa hai

— Mahtab Alam