mil nahin saktaa jo main ne kho diyaa — Sabir Aafaque

mujh ko lagtaa hai ghaDi jis ne banaai hogi
intizaar us ko bhi shiddat se kisi kaa hogaa

— Sabir Aafaque

maut aa jaae vabaa mein ye alag baat magar
ham tire hijr mein naagha to nahin kar sakte

— Sabir Aafaque

puchh us shakhs se main jis ko nahin mil paayaa
main tujhe jitnaa mayassar huun tiri qismat hai

— Sabir Aafaque

bahut hi khushki mein guzri hai is baras holi
gila hai tujh se ki giilaa nahin kiyaa mujh ko

— Sabir Aafaque

vasl ko maan ke taraste hain mire bachche bhi
kaifiyat hijr ki mujh par hi nahin taari hai

— Sabir Aafaque

andhere kaa tasavvur kyaa hai bolun
andheraa raushni se chal rahaa hai

— Sabir Aafaque

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli